Need help? The 99Chats team is here for you

Admin

asim.shahzad345@gmail.com
skype admin99chats
Home / mix / college girls whatsapp numbers / 23 March 1940 History In Urdu

23 March 1940 History In Urdu

Click Here For ADD Your Number To Whatsapp Group Chat

23rd March 1940 is a status mile stone in the actuation of Pakistan, because the Muslim of Hind took a decision of separate and independent Islamic kingdom in the annual session of All India Muslim League in Lahore Minto Park (current Iqbal Park). In the short period of 7th years, after the allowed resolution in congress, we had successfully the separate homeland Pakistan. Here we are introducing to you those people, who supported and participated in the annual session, and gave the homily about the separation of Pakistan. In this page, you can see the information about 23rd March 1940 History In Urdu.

23 March 1940 ka din tehreek e Pakistan mein aik sang meyl ki hesiyat rakhta hai. Kyun ke is din Lahore ke Minto park ( maujoda Iqbal park ) mein munaqid hone wale All India Muslim League ke annual session mein shareek Musalman an e hind ne yeh faisla kiya tha ke wo aik azaad islami mumlikat hasil karenge aur phir ijlaas mein manzoor ki jane wali qarardad ke bad mehaz 7 saal ke mukhtasir arsey mein wo aik alehda watan hasil karne mein kamiyab ho gaye.23 March 1940 History In Urdu

All India Muslim League ke is ijlaas mein barresagheer Pak o hind ke us waqt ke 11 provinces se All India Muslim League ke akabreen ne shirkat ki aur sher Bengal Maulvi Fazal ul Haq ki qarardad ki bharpor himayat ki. In akabreen en apne apne province ki numaiyndegi karte hue qarardad ki himayat mein jin khayalat ka izhaar kiya, wo bhi yaqinan tarikhi aehmiyat ke hamil hain. Chunache zeyl mein in ki speeches ke iqtabasaat pesh kiye ja rahe hain.

Maulvi Fazal ul Haq ki taraf se pesh ki jane wali qarardad ki taiyd karne walon mein sab se pehla naam Chaudhry Khaleeq uz Zaman ka aata hai. Jin ka talluq Sooba e UP se tha. Inho ne is mauqey par khitab karte hue kaha, “ Musalman o ko in halaat ke barey mein ghaur karna chahiye. Jinho ne Musalman o ko majboor kiya ke jahan ki aksariyat hai wahan khud un ki hukoomat ke qiyam ka mutalba karen. Awwal to is mutalbey ki sari zimmedari hukomat par aaiyd hoti hai. Jis ne hindustaniyon se faiyda uthane ke liye yeh aelaan kiya ke Hindustan aik mulk hai aur aik qaum hai aur aksariyat aur aqliyat ke masley khare kar diye. Unho ne propaganda ka is qadar shadid toofan barpa kar diya key eh muamla aik dushwar masla samjha jane laga, halan ke is sawal ka sirey se wajood he nahi tha. Angrezon ke bad congress aur aksaryati firqa, Musalman o ke mutalba alehdgi ka zimmedar hai. Aksariyati firqey ne in soobon mein aqliyaton ke sath jo bartao kiya tha, is par kisi tabsare ke chanda zarorat nahi hai. Hum ab yeh samajh chuke hain ke in ka wajood he khatrey mein parh gaya. Agar wo apni hesiyat urfi ko barqarar rakhna chahte hain to unhe is ke liye jaddojehad karni chahiye. Teesri aur aakhri zimmedari in Musalman o par aaiyd hoti hai. Jinho ne muqabley mein tanzeemen qaiym kar key a congress mein shareek ho kar ya deegar gher Muslim jamaton mein shamil ho kar Musalman o ke ittehad aur un ki safon ko torhne ko koshish ki.”

Taqreer jari karte hue Chaudhry Khaleeq uz Zaman ne kaha, “ main Maulana Abdul Alkalam Azaad se wahan bilkul ikhtelaf karta hon, jahan unho ne yeh aha ke kyun ke Musalman apni madafat ke liye kafi mazboot hain, is liye unhe alehdgi ka mutalba nahi karna chahiye. Inho ne mazeed kaha ke un Musalman o ki zimmedari bohat bhari hai, jinho ne Hindustan mein Musalman o ke huqooq ko nuqsan pohnchaya. Is liye ke won a sirf maujoda nasal se ghaddari kar rahe hain bal ke aane wali naslon se bhi. Agar congress Muslim congresses ke mashware par amal peyra rahi to hindustam mein khana jangi ka ho jana lazmi aur yaqeeni hai. ”

Punjab ki numaiydegi karte hue Maulana Zafar Ali Khan ne apne khitab mein kaha, “ Main aaj yuin mehsoos kar raha hon, jaise aik azaad Hindustan mein bol raha hon. Aik arsaa daraz tak main hindu Muslim ittehad ka alambardar raha aur kafi arsey tak congress mein bhi raha. Is arsey mein main ne yeh dekha ke congress azaadi ke husool ke mutalliq khuwahishmand nahi hai. Bal ke dar haqiqat aqliyaton ko daban aur unhe majboor karna chahti hai. Congress ne maujoda aala hesiyat us himayat aur aa’anat ki wajah se hasil ki hai jo Musalman o ne sabqa ayyam mein is ko di thi. Lekin ab congress ne Musalman o se aik ba talluqana rawaiyya ikhteyar kar liya hai, wo aur un ke sath deegar hazraat jo un ke maktaba khayal ke peyro the. Muslim League par yeh keh kar hamesha tanqeed karte rehte hain ke wo koi tameeri kaam nahi kar rahi hai. ” congress ki majlid dastoorsaaz ka hawala dete hue Maulana Zafar Ali Khan ne barhe pur zor alfaz mein yeh kaha, “ Hum kisi aise dastoor ko qabool karne par aamada na honge, jis ko Hindustan ke Musalman o ki taiyd aur manzori hasil na ho.”

Soba e sarhad ki numaiydegi karte hue Sardar Aurangzeb Kha’n ne qarardad ki himayat karte hue kaha, “ Mujhe is qarardad ki taiyd ka aezaaz hasil hua hai, jis ki tehreek Sher Bengal na pesh farmai hai. Is par matanat aur sanjeedgi ke sath air jazbat se qatai mubarra ho kar sochna aur ghaur karna chahiye. ” unho ne Hindu soobon mein rehne wale Musalman o ko is qarardad ki himayat par mubarakbad di aur kaha, “ Sooba sarhad Hindustan ka darwaza hai aur un Musalman o ko jo hindu soobon mein rehte hain. Main yeh yaqeen dilane ke liye yahan maujood ha=on ke hum apna hum mazhabon ki khatir apni janey qurban karne ke liye tayyar hain. ” apni taqreer ko khatam karte hue sardar Aurangzeb Kha’n ne kaha, “ Hum british jamhoriyat nahi chahte, jo siwae is ke kuch nahi hai ke saro ko gun liya jaey. Musalman aik alehda qaum hain. Hum Musalman qaum ke liye aik watan chahte hain aur hamara watan wohi hai jis ki tasreeh qarardad mein kar di gai hai. ”

Soba e Sindh ki numaiydgi karte hue Sir Abdullah Haroon ne qarardad ki taiyd karte hue kaha, “ yeh aik amar waqeya hai ke Musalman Sindh ke raaste Hindustan mein aaey. Yeh masla Sindh ke Musalman o ke samne sab se pehle aaya, jo ab Muslim League ke samne hai. 1938 mein Muslim League ne shumal maghrabi aur mashraqi mantaqon mein azaad riyasaton ke qiyam ke liye aik qarardad manzoor kit hi. Is ke bad mukhtalif dastoori schemes aur tajveez ki tashkeel amal mein aai aura b un par us hidayat ke mutabiq ghaur ho raha hai ke Musalman o ka yeh farz hai ke use bagher kisi rok tok ke manzoor kar len. ” “ Sir Abdullah Haroon ne is mauqey par hindoun ko mutanba karte hue kaha, ke agar hindo Sobon mein Musalman o ke sath munsifana sulook nahi kiya gaya to Muslim soobon mein hindoun ke sath wohi sulook kiya jaega, jo Hitler ne Sehoniyon ke sath kiya tha. Unho ne tawaqqa zahir ki ke wo tajaveez jo qarardad ki shakal mein pesh ki gai hain, hindoun aur angrezon sono ke liye qabil qabool hogio, is liye ke is khardaar masla ka is se behtar koi aur hal nahi. ”

Soba Bahar ki numaiydegi karte hue Khan Bahadur Nawab Syed Muhammad Ismail ne qarardad ki bharpor taiyd karte hue farmaya, “ main aik aise Sobey ka bashinda hon jahan Musalman aqliyat mein hain aur jahan Musalman o ko azaadi e taqreer tak hasil nahi hai. Magar yeh shaandar ijlaas us sir zameen mein ho raha hai jo azaad sir zameen hai, is liye main bohat khush honk e mujhe azadana taqreer karne ki musarrat yahan hasil ho rahi hai aur phir main apne Muslim aksariyat wale Sobon ka shukriya bhi adaa karna chahta honk e unho ne yeh peshkash bhi ki hai ke Muslim aqliyat ke soobon mein Musalman o ke huqooq pamaal kiye gaey to hum aap ki madad ko hazir hain. Baradran e millat ! main aap ka behad mamnoon hon. Lekin mujhe apne soobey ke Musalman o aur un ki qabliyat par pora bharosa hai, agar aesi koi zarorat kisi waqt lahaq hui to wo apni madafat aap kar lenge. ” Nawab Syed Muhammad Ismail ne mazeed kaha, “ Maulana Azaad ke taza khutba e sadarat ka bhi tazkara hua hai. Main congress ko faqat itni ittelaa dena chahta hon ke Mualana Azaad ki awaaz hum Musalman o ki awaaz nahi hai. Is barre azeem ke Musalman o ki raey wohi hai jis ki sachi tarjumani mister Jinnah karte hain. Mister Jinnah ki awaaz hamari awaaz hai. ”

Balochistan ki numaiydegi karte hue Qazi Muhammad Essa ne kaha, “ Jab aksariyati Sobon ke Musalman azaadi o khud mukhtari hasil kar lenge, to us Sobon ke Musalman o ko jo aqliyat mein hain kabhi faramosh nahi karenge aur un ke ikhteyar mein jo kuch bhi ho ga. Us se un ki madad karenge. Unho ne samaiyeen ko yaad dilaya ke sooba e sarhad ke Musalman o ki tarha Balochistan ke Musalman bhi Hindustan ke darbaan hain, isliye ke wo dara bolan par pehra dete hain aur un ki hifazat karte hain. Is liye hum par farz ho ga ke hum bataur darba apne un Musalman bhaiyyon ki pori pori hifazat karen, jo Hindustan ke hindu aksariyati soobon mein bataur aqliyat ke reh jaeyn. ”

Soba e Madras ki numaiydegi karte hue Abdul Hameed Khan ne qarardad ki taiyd karte hue apne khitab mein kaha, “ kul hind Muslim League, guzishta 37 baras se Hindustan ki azaadi ke liye karh rahi hai, is jaddojehad mein is ne mehaz is umeed mein hindoun se tawwun aur ishterak amal kiya ke Hindustan ki azaasi ke maeyne is mulk ke rehne wale har fard ki azaadi ho gi. Lekin is ki yeh tawaqquat aur umeeden 11 soobon mein se 7 soobon mein dhai sala congress ki hukomat ke dauran congress ke rawaiyye ke pesh nazar ghalat sabit hui. Is raqaiyye ke sabab us soobon ke Musalman o mein aik aam beydari phelgai aur Muslim League taqriban har soobey mein munazzam ho gai. Jab Muslim League aik naya dastoor murattab karegi to aqliyati soobon ke Musalman o se pori tarah sakah o mashwara karegi. ”

Soba e Bombay ki numaiydegi karte hue Ibrahim Ismail Chundrigar ne apne khitab mein aelaan kiya ke , “ sare Hindustan ke aik aisa wafaaq jis mein Musalman aik nagufta ba aqliyat nam jaey, hamare liye kisi taur par qabil e qabool nahi hai. Qarardad mein jo scheme pesh ki gai hai. Wo har zawiya nazar se munsifana, munasib aur mauzoo hai. Musalman kisi bhi halat mein aik aesi majlis dastoorsaaz ki tajveez ki himayat par tayyar nahi, jis ki zad se Musalman aik aur 3 ki nisbat main aqliyuat ba jaey. ” unho ne Raj coat tehqiqati committee ke taqarrur ka waqeya yaad dilate hue kaha, “Mister Gandhi ne is committee mein 2 Musalman o ko shamil karne par aamadegi zahir ki thi. Is shart par ke wo dono Musalman par japareshd ke arakeen ke sath vote den aur un se ittefaq karen. Kya isi qisam ki azaadi congress Musalman o ko dena chahti hai ? ”

Soba CP ki numaiydegi karte hue Syed Abdur Rauf Shah ne qaradad ki himayat mein taqreer karte hue kaha, “ Main aik aise Sobey se talluq rakhta hon, jahan Musalman chand % hain aur jo congress ke zulm o sitam ka nishana ban rahe hain. Congress wazarat ki khun khuwari aur us ke zulm o sitam ke bawajood Musalman o ne sabar se kaam liya hai. ” unho ne mazeed kaha, “ Mujhe ilm hai ke Pakistan ke qiyam ke baad humen hindoun ki hukomat ke matehat rehna ho ga, magar hum Pakistan ki himayat is liye kar rahe hain. Ke hamare bhai to azaadi ki neymat se behrawar honge aur Pakistan mein Islam ka bol bala ho ga. Main apne hum mazhabon se darkhuwast karta honk e wo aqliyati soobon mein rehne wale Musalman o ke liye pareshan aur mutaraddid nah on. Humen apne ALLAH PAK par bharosa aur aitemad hai ke aik din aisa zaroor aaega, jab Muslim aksariyati soobon mein apne Bhaiyyon ki tarha hum bhi azaad ho jaenge

About admin

Leave a Reply

Be the First to Comment!

Notify of
avatar
100
wpDiscuz